दू महीना के रूही लापरवाह प्रशासन के आघू छोड़ दिस परान, अब ले नई मिले हवय इंसाफ

दुर्ग। जिला म सरकारी सिस्टम के लचर व्यवस्था सेती पांच दिन पहिली 2 महीना के लईका रूही के परान छुट गे रिहीस। स्वास्थ्य विभाग के ए बड़का लापरवाही के बाद अब विधानसभा के नेता प्रतिपक्ष धरम लाल कौशिक ह पूरा मामला ल लेके स्वास्थ्य मंत्री टीएस सिंहदेव ल पत्र लिख के उच्चस्तरीय जांच के मांग करे हे।
विधानसभा के नेता प्रतिपक्ष धरमलाल कौशिक ह दू महीना के लईका के मऊत म दुख व्यक्त करत केहे हवय ए दुख म हम सब ल जादा संवेदनशील होय के जरूरत हे। फेर ए ढंग ले मासूम लईका के मऊत समय म उपचार नई मिले ले होय हे, जे बड़ तकलीफ देथे।ए मामला के उच्चस्तरीय जांच होना चाहि। दुर्ग ले रायपुर तक लईका के परिजन उपचार बर गुहार लगावत रिहीस। फेर बेरा म उपचार नई मिले ले जे ढंग ले मऊत होईस। ओहा हृदयविदारक घटना हे।
सिस्टम के खिलाफ म लईका के परिजन घलो करे हे शिकायत
मासूम लईका के परिजन ए पूरा मामल ल लेके जिला अस्पताल के खिलाफ पुलिस ले लेके CMHO तक सब जगह अपन गुहार लगा चुके हवय। सब जगह बस दिलासा ही हाथ लगे हवय। फेर पाछू पांच दिन बीते बाद घलो अब तक कोनो सुनवई नई होय हे।

आप मन ल बता दन के ए पूरा मामला म पांच दिन पहिली ही CMHO डॉक्टर गंभीर सिंह ठाकुर ह एक जांच समिति बनाके जांच करवाय के बात घलो कही चुके हवे। फेर अतका बेरा बीते के बाद घलो कोनो कार्रवाई सुरू तक नई होय हे।

more recommended stories